ہمارے مقصد میں شامل ہوں
ہمارے تصور کو حقیقت بنانے میں مدد دینا چاہتے ہیں؟ ہم آپ کی معاونت کو قدر کی نگاہ سے دیکھتے ہیں! ہمارے مقصد کا حصہ بننے کے بہت سے طریقے ہیں، اور ہم ہر شخص کے تعاون کا خیرمقدم کرتے ہیں، چاہے وہ کتنا ہی مختصر کیوں نہ ہو۔
”کچھ لوگ موجود چیزوں کو دیکھ کر پوچھتے ہیں: کیوں؟
[ہم] ان چیزوں کا خواب دیکھتے ہیں جو کبھی موجود نہیں تھیں، اور کہتے ہیں: کیوں نہیں؟“رابرٹ ایف کینیڈی
عطیہ دیجیے
ہم منافع کے لیے کام کرنے والا ادارہ نہیں، اس لیے اپنا کام جاری رکھنے کے لیے عطیات اور مالی امداد پر انحصار کرتے ہیں۔ اگر آپ استطاعت رکھتے ہیں تو عطیہ دے کر ہمارے کام کی معاونت کیجیے!
رکن بنیے
پروجیکٹ ایلارا میں تعاون اور شرکت کے لیے رکنیت ضروری نہیں! البتہ اگر آپ قائدانہ عہدہ سنبھالنا چاہتے ہیں تو رکنیت لازمی ہے۔
نوٹ: ہم نے رکنیت کی تمام شرائط عارضی طور پر ختم کر دی ہیں، لہٰذا رکن بننے کے لیے صرف ای میل یا Discord پر ہم سے رابطہ کرنا کافی ہے! (ہدایات صفحے کے آغاز میں موجود ہیں۔)
رکنیت کی اصل شرائط
پروجیکٹ کی رکنیت حاصل کرنے کے لیے ہم آئندہ ارکان سے رکنیت کے معاہدے پر دستخط کرنے کو کہتے ہیں۔ یہ معاہدہ عام انسانوں کے سمجھنے کے لیے لکھا گیا ہے اور زیادہ طویل بھی نہیں، اس لیے اسے غور سے پڑھیے! بظاہر یہ غیر ضروری لگ سکتا ہے، لیکن رکنیت کا معاہدہ ہمارے مقصد اور نظریات کے تحفظ کے لیے موجود ہے، اور ہم چاہتے ہیں کہ ہمارے ارکان بھی اسی عزم اور لگن کے حامل ہوں۔
پروجیکٹ ایلارا کے ترجمے میں مدد کریں
ہم چاہتے ہیں کہ پروجیکٹ ایلارا کا مواد ہر شخص کو دستیاب ہو، خواہ وہ کوئی بھی زبان بولتا ہو۔ اگر آپ ایک سے زیادہ زبانیں جانتے ہیں، حصہ لینا چاہتے ہیں لیکن تکنیکی مہارت نہیں رکھتے تو ہم مترجم کے طور پر شامل ہونے کی پُرزور تجویز دیتے ہیں!
